Class 10 Biology · Chapter 7 · Test 10
تفصیلی سوالات
پورے باب کے تفصیلی سوالات
9 questions · 54 min · 45 marks
Want to try first? Take the free Biology test: نیوٹریشن اور اس کی اہمیت
Sample questions with answers
The first 5 of 9, each with a model answer. Try writing yours first.
Question 1 · 5 marks
کروموسوم کی ساخت اور کیمیائی ترکیب پر نوٹ لکھیں۔
Show model answerHide model answer
کیمیائی ترکیب: کروموسوم جس مادے کا بنا ہوتا ہے اسے کروموٹین کہتے ہیں۔ یوکیریوٹس میں کروموٹین DNA اور خاص پروٹینز یعنی ہسٹونز کا بنا ہوتا ہے۔ کروموٹین ایک دھاگے جیسا میٹیریل ہے جس میں DNA کا لمبا مالیکیول ہسٹونز کے بنڈلز کے گرد لپٹا ہوتا ہے۔ جب سیل تقسیم نہیں ہو رہا ہوتا تو یہ نیوکلیس میں بکھرے ہوئے باریک دھاگوں کی طرح ہوتا ہے؛ سیل ڈویژن کے دوران یہ بل کھا کر ٹھوس ساختیں بناتا ہے جنھیں کروموسومز کہتے ہیں۔ ساخت: کروموسوم ایک سلاخ نما ساخت ہے جو ایک جیسے دو نصف حصوں (کروماٹڈز) پر مشتمل ہے۔ دونوں کروماٹڈز ایک مقام یعنی سینٹرومیئر پر جڑے ہوتے ہیں جو سیل ڈویژن کے دوران انھیں جوڑے رکھتا ہے۔ سیل ڈویژن سے پہلے DNA اپنی ایک کاپی بناتا ہے جس سے کروماٹڈز بنتے ہیں؛ تقسیم کے وقت ہر ڈاٹر سیل میں ہر کروموسوم کا ایک کروماٹڈ جاتا ہے۔ جسمانی سیلز ڈپلائڈ (2n) ہوتے ہیں یعنی کروموسومز ہومولوگس جوڑوں میں ہوتے ہیں۔ پروکیریوٹس میں صرف ایک کروموسوم ہوتا ہے جو گول نما DNA کے ایک مالیکیول کا بنا ہوتا ہے، اس کے گرد نیوکلیئر انویلپ نہیں ہوتا اور یہ سائٹوپلازم میں ہوتا ہے۔
Question 2 · 5 marks
مینڈل نے اپنے وراثت کے تجربات کے لیے مٹر کے پودے کا انتخاب کیوں کیا؟
Show model answerHide model answer
مینڈل نے اپنے تجربات کے لیے مٹر کے پودے کا انتخاب کیا۔ یہ انتخاب کئی وجوہات کی بنا پر درست تھا: 1۔ مٹر کے پودے کی نسل کا دورانیہ کم ہوتا ہے۔ 2۔ مٹر کے پودے میں آسانی سے قابل شناخت سات خصوصیات موجود ہوتی ہیں، مثلاً گول بمقابلہ جھری دار بیج اور جامنی بمقابلہ سفید پھول؛ پودے کا قد (لمبا یا چھوٹا)، پھول کی پوزیشن (ایگزیلری یا ٹرمینل)، پھلی کی شکل (پھولی ہوئی یا پچکی ہوئی)، پھلی کا رنگ (سبز یا زرد)، بیج کی شکل (گول یا جھری دار)، بیج کا رنگ (زرد یا سبز) اور پھول کا رنگ (جامنی یا سفید)۔ 3۔ عام طور پر مٹر کے پھولوں میں سیلف پولینیشن ہوتی ہے لیکن ان پودوں میں کراس پولینیشن کرنے کی اہلیت بھی ہوتی ہے؛ اس مقصد کے لیے ایک پھول کے سٹیمنز اتار کر ان کے پولن گرینز کو دوسرے پودے کے پھول پر منتقل کیا جاتا ہے۔
Question 3 · 5 marks
مینڈل کا وہ تجربہ بیان کریں جس میں اس نے دو خصوصیات کی وراثت کا مطالعہ کیا تھا۔ وہ قانون بھی بیان کریں جو اس نے تجویز کیا۔
Show model answerHide model answer
مینڈل نے ڈائی ہائی برڈ کراس کیے جن میں ایک ہی وقت میں دو خصوصیات یعنی بیج کی شکل (گول یا جھری دار) اور بیج کا رنگ (زرد یا سبز) کی وراثت کا مطالعہ کیا۔ پہلے اس نے مٹر کے پودوں کی خالص النسل اقسام پیدا کیں: ایک پودے کے بیج گول اور زرد (RRYY) تھے اور دوسرے کے جھری دار اور سبز (rryy)۔ اس نے ان خالص النسل پودوں کا کراس کروایا؛ F1 نسل کے تمام پودوں کے بیج گول اور زرد تھے، جس سے ثابت ہوا کہ گول بیج کا الیل (R) ڈومیننٹ ہے جبکہ جھری دار بیج کا الیل (r) ریسیسیو ہے؛ اسی طرح زرد بیج کا الیل (Y) ڈومیننٹ ہے جبکہ سبز بیج کا الیل (y) ریسیسیو۔ F1 کے تمام پودے دونوں خصوصیات کے لیے ہیٹروزائیگس (RrYy) تھے۔ F1 کے پودوں کو سیلف پولینیشن ہونے دی اور F2 نسل میں چار فینوٹائپس ملیں: 9/16 بیج گول اور زرد (RRYY، RRYy، RrYY، RrYy)؛ 3/16 گول اور سبز (RRyy، Rryy)؛ 3/16 جھری دار اور زرد (rrYY، rrYy)؛ 1/16 جھری دار اور سبز (rryy)۔ قانون (لاء آف انڈی پنڈنٹ اسارٹمنٹ): F1 کے پودوں (RrYy) نے چار اقسام کے گیمیٹس بنائے: RY، Ry، rY اور ry۔ F2 نسل میں الیلز کے 16 اقسام کے جوڑے بنے۔ اس کا مطلب ہے کہ R اور r کی سیگریگیشن Y اور y کی سیگریگیشن سے آزادانہ ہوتی ہے۔ اس قانون کے مطابق "گیمیٹس بننے کے دوران الیلز ایک دوسرے سے آزادانہ علیحدہ ہوتے ہیں"۔
Question 4 · 5 marks
مینڈل کا سیگریگیشن کا قانون بیان کریں۔ ایک مثال بھی دیں۔
Show model answerHide model answer
قانون: مینڈل نے وضاحت کی کہ والدین میں سے ہر ایک کے پاس ایک جین کے دو الیل ہوتے ہیں لیکن وہ بچے کو ان میں سے ایک ہی الیل دے سکتا ہے۔ گیمیٹ بننے کے دوران الیل ایک دوسرے سے جدا ہو جاتے ہیں اور ہر گیمیٹ میں ایک ہی الیل ہوتا ہے۔ جب فرٹیلائزیشن ہوتی ہے تو نتیجے میں بننے والے جاندار میں دوبارہ دو الیل آ جاتے ہیں۔ اسے لاء آف سیگریگیشن کہتے ہیں۔ اس کے مطابق "گیمیٹ بننے کے دوران الیل علیحدہ ہو جاتے ہیں اور ہر گیمیٹ دو میں سے ایک الیل وصول کرتا ہے، دونوں نہیں"۔
مثال: مٹر کے پودے میں لمبے قد کا الیل ڈومیننٹ ہے۔ P نسل میں ایک کے پاس TT اور دوسرے کے پاس tt الیل تھے؛ ایک کے ہر گیمیٹ نے T اور دوسرے کے ہر گیمیٹ نے t وصول کیا۔ F1 کے ہر پودے کے پاس الیل کا جوڑا Tt تھا اس لیے سب لمبے تھے۔ F1 کے سیلف پولینیشن سے F2 میں 25٪ پودوں نے دونوں الیل چھوٹے قد کے (tt) وصول کیے، 50٪ نے ایک لمبا اور ایک چھوٹا (Tt)، اور 25٪ نے دونوں لمبے (TT)؛ اس لیے F2 میں 75٪ لمبے اور 25٪ چھوٹے تھے۔
Question 5 · 5 marks
بیان کریں کہ DNA اور RNA کس طرح پروٹین کی تیاری میں حصہ لیتے ہیں۔
Show model answerHide model answer
جین DNA کا ایسا ٹکڑا ہے جس کے پاس مخصوص پروٹین بنانے کی ہدایات ہوتی ہیں۔ جین میں موجود ہدایات کے مطابق ایک پروٹین تیار کرنے کے لیے مندرجہ ذیل اعمال ہوتے ہیں: 1۔ ٹرانسکرپشن: DNA کا ٹکڑا یعنی جین ایک سانچے کے طور پر کام کرتا ہے۔ اس سانچے پر رائبو نیوکلیک ایسڈ کی ایک قسم میسنجر RNA (mRNA) تیار کیا جاتا ہے۔ اس طرح DNA اپنی ہدایات mRNA کو منتقل کر دیتا ہے۔ یہ عمل نیوکلیس میں ہوتا ہے۔ 2۔ ٹرانسلیشن: mRNA سائٹوپلازم میں آ جاتا ہے؛ یہاں اس کے ساتھ رائبوسوم لگ جاتا ہے۔ رائبوسوم mRNA پر موجود ہدایات کے مطابق امائنو ایسڈز جوڑتا ہے۔ اس طرح پروٹین تیار ہو جاتی ہے۔ جین کے کام کرنے کا یہ طریقہ مرکزی اصول (central dogma) کہلاتا ہے: DNA → mRNA → پروٹین۔ اس طرح DNA کی ہدایات کو پروٹینز میں تبدیل کرنے میں mRNA ایک معاون کے طور پر کام کرتا ہے۔
More tests in Inheritance
- Test 1: Chromosome, DNA and RNA
MCQs · 29 questions · 25 min · 29 marks
- Test 2: Genes, Alleles and Mendel’s Experiments
MCQs · 30 questions · 25 min · 30 marks
- Test 3: Complete Chapter – Inheritance
MCQs · 28 questions · 25 min · 28 marks
- Test 4: Short Questions – Part 1
Short questions · 22 questions · 50 min · 56 marks
- Test 5: Short Questions – Part 2
Short questions · 23 questions · 50 min · 54 marks
- Test 6: Long Questions
Long questions · 10 questions · 50 min · 50 marks
- کروموسوم، ڈی این اے اور آر این اے
MCQs · 39 questions · 39 min · 39 marks
- الیل، جینوٹائپ اور مینڈل کے قوانین
MCQs · 38 questions · 38 min · 38 marks
- مختصر سوالات
Short questions · 34 questions · 68 min · 92 marks
- بورڈ ٹائپ
Mixed paper · 26 questions · 60 min · 49 marks
Practise with a free account
Save your scores, see which chapters need work, and keep a notebook of every question you got wrong.