Class 9 Islamiyat · Chapter 2 · Test 27
حج اور قربانی تفصیلی سوالات
8 questions · 40 min · 64 marks
Want to try first? Take the free Islamiyat test: Test 1: قرآن مجید، تعارف، حفاظت اور تدوین
Sample questions with answers
The first 5 of 8, each with a model answer. Try writing yours first.
Question 1 · 8 marks
حج اور قربانی کے بارے میں ایک جامع مضمون تحریر کریں۔
Show model answerHide model answer
حج: حج ارکانِ اسلام میں ایک اہم رکن ہے جو ہر صاحبِ استطاعت مسلمان پر زندگی میں ایک بار فرض ہے۔ ارشادِ باری تعالیٰ ہے: وَلِلّٰہِ عَلَی النَّاسِ حِجُّ الْبَیْتِ مَنِ اسْتَطَاعَ اِلَیْہِ سَبِیْلًا (آلِ عمران: 97)۔ ترجمہ: اور اللہ کے لیے لوگوں پر اس گھر (بیت اللہ) کا حج کرنا (فرض) ہے جو کوئی بھی اس کی طرف جانے کی استطاعت رکھتا ہو۔ حج جامع عبادت ہے کیونکہ یہ بیک وقت روحانی، بدنی اور مالی عبادت ہے۔ مناسک: احرام باندھنا، منیٰ جانا، وقوفِ عرفات، مزدلفہ میں قیام، جمرات کو کنکریاں مارنا، قربانی کرنا، حلق کرنا، طواف کرنا اور سعی کرنا۔ فضیلت: نبی کریم صلی اللہ علیہ وسلم نے ایک حج اور چار عمرے ادا فرمائے۔ حجِ مبرور کی جزا جنت ہے۔ حج کرنے والے اللہ تعالیٰ کے مہمان ہیں۔ قربانی: قربانی سے مراد اللہ تعالیٰ کے قرب کے حصول کے لیے عید الاضحی کے دنوں میں مخصوص جانور کو نبی کریم صلی اللہ علیہ وسلم اور حضرت ابراہیم علیہ السلام کی سنت کے مطابق ذبح کرنا ہے۔ عید الاضحی کے دن قربانی سے زیادہ فضیلت والا کوئی عمل نہیں۔ قربانی کا فلسفہ یہ ہے کہ اللہ کی رضا کے لیے اپنی خواہشات کو قربان کیا جائے۔ فوائد: حج ملتِ اسلامیہ کے اتحاد اور اجتماعیت کا مظہر ہے اور حاجی کو حرمینِ شریفین کی زیارت نصیب ہوتی ہے۔
Question 2 · 8 marks
حج کی فرضیت، اہمیت اور فضیلت احادیث کی روشنی میں بیان کریں۔
Show model answerHide model answer
فرضیت: حج ارکانِ اسلام میں ایک اہم رکن ہے اور ہر صاحبِ استطاعت مسلمان پر زندگی میں ایک بار فرض ہے۔ آیت: وَلِلّٰہِ عَلَی النَّاسِ حِجُّ الْبَیْتِ مَنِ اسْتَطَاعَ اِلَیْہِ سَبِیْلًا (آلِ عمران: 97)۔ اہمیت: حج جامع عبادت ہے، بیک وقت روحانی، بدنی اور مالی عبادت ہے اور یہ خصوصیت کسی دوسری عبادت کو حاصل نہیں۔ فضیلت:
(1)نبی کریم صلی اللہ علیہ وسلم نے ایک حج اور چار عمرے ادا فرمائے (ترمذی: 931)۔
(2)ایک عمرے کے بعد دوسرا عمرہ دونوں عمروں کے درمیان کے گناہوں کا کفارہ ہے اور حجِ مبرور (مقبول حج) کی جزا جنت کے سوا کچھ نہیں (بخاری: 1773)۔
(3)اللہ کی راہ میں جہاد کرنے والا، حج کرنے والا اور عمرہ کرنے والا اللہ تعالیٰ کے مہمان ہیں؛ اللہ نے انھیں بلایا تو انھوں نے حاضری دی اور انھوں نے مانگا تو اس نے انھیں عطا کیا (ابنِ ماجہ: 2893)۔ عمرہ واجب نہیں بلکہ عمرہ کرنا افضل (سنت اور مستحب عمل) ہے۔
Question 3 · 8 marks
حج کرنے کا مختصر طریقہ تفصیل سے بیان کریں۔
Show model answerHide model answer
آٹھ ذوالحجہ: فجر کی نماز کے بعد احرام باندھے، دو رکعت نماز پڑھے اور دعا کرے کہ اے اللہ! میں حج کا ارادہ کرتا ہوں، اسے میرے لیے آسان کر دے اور قبول فرما، اور بلند آواز سے تلبیہ پڑھے: لَبَّیْکَ اللّٰھُمَّ لَبَّیْکَ... (ترجمہ: حاضر ہوں اے اللہ! میں حاضر ہوں، تیرا کوئی شریک نہیں، تیرے ہی لیے تعریفیں، نعمتیں اور بادشاہت ہے)۔ فجر کے بعد مکہ مکرمہ سے منیٰ روانہ ہو اور ظہر، عصر، مغرب، عشاء اور فجر کی نمازیں منیٰ میں پڑھے۔ نو ذوالحجہ: نمازِ فجر کے بعد منیٰ سے عرفات روانہ ہو، مغرب تک عرفات میں قیام کرے اور دعا مانگے، غروبِ آفتاب کے بعد مزدلفہ روانہ ہو، مغرب اور عشاء کی نمازیں اکٹھی پڑھے، رات مزدلفہ میں گزارے، رمی کے لیے کنکریاں چنے اور صبح کی نماز کے بعد منیٰ روانہ ہو۔ دس ذوالحجہ: خوب روشنی پھیل جائے تو جمرہ عقبہ کی رمی کرے، پھر قربانی کرے، پھر سر کے بال منڈوائے یا کٹوائے اور احرام کی پابندیوں سے آزاد ہو جائے۔ قربانی کے دنوں میں سے کسی ایک دن مکہ مکرمہ جا کر طوافِ زیارت کرے۔ وقوفِ عرفہ حج کا رکنِ اعظم ہے۔ وقوفِ مزدلفہ اور رمیِ جمرات جیسے مناسک واجب ہیں۔ آخر میں الوداعی طواف کرے جو واجب ہے۔ پھر شیڈول کے مطابق مدینہ منورہ حاضر ہو اور آٹھ یا نو دن کے قیام میں کوشش کرے کہ مسجدِ نبوی میں متواتر چالیس نمازیں پڑھے۔
Question 4 · 8 marks
حج اور عمرہ کے فضائل احادیثِ مبارکہ کی روشنی میں تحریر کریں۔
Show model answerHide model answer
(1)نبی کریم صلی اللہ علیہ وسلم نے ایک حج اور چار عمرے ادا فرمائے۔ عمرہ واجب نہیں بلکہ عمرہ کرنا افضل (سنت اور مستحب عمل) ہے (جامع ترمذی: 931)۔
(2)آپ صلی اللہ علیہ وسلم کا فرمان ہے کہ ایک عمرے کے بعد دوسرا عمرہ کرنا دونوں عمروں کے درمیان کے گناہوں کا کفارہ ہے اور حجِ مبرور (مقبول حج) کی جزا جنت کے سوا اور کچھ نہیں (صحیح بخاری: 1773)۔
(3)آپ صلی اللہ علیہ وسلم نے تین لوگوں کو اللہ تعالیٰ کا مہمان قرار دیا: اللہ کی راہ میں جہاد کرنے والا، حج کرنے والا اور عمرہ کرنے والا۔ اللہ تعالیٰ نے انھیں بلایا تو انھوں نے حاضری دی اور انھوں نے اللہ تعالیٰ سے مانگا تو اس نے انھیں عطا کیا (سنن ابنِ ماجہ: 2893)۔
Question 5 · 8 marks
قربانی کی تعریف، فضیلت اور احکام تفصیل سے لکھیں۔
Show model answerHide model answer
تعریف: قربانی سے مراد اللہ تعالیٰ کے قرب کے حصول کے لیے عید الاضحی کے دنوں میں مخصوص جانور کو نبی کریم صلی اللہ علیہ وسلم اور آپ کے جدِّ امجد حضرت ابراہیم علیہ السلام کی سنت کے مطابق ذبح کرنا ہے۔ فضیلت: عید الاضحی کے دن قربانی سے زیادہ فضیلت والا کوئی عمل نہیں، یہ دن سال کا افضل ترین دن شمار ہوتا ہے۔ وعید: قربانی نہ کرنے پر سخت وعید آئی ہے۔ نبی کریم صلی اللہ علیہ وسلم کا فرمان ہے کہ جس شخص کو قربانی کی وسعت ہو اور وہ قربانی نہ کرے تو وہ ہماری عیدگاہ کے قریب نہ آئے (سنن ابنِ ماجہ: 3123)۔ احکام:
(1)عید کی نماز سے پہلے قربانی نہیں کی جا سکتی۔
(2)اپنے ہاتھ سے قربانی کرنا افضل ہے۔
(3)اگر خود جانور ذبح نہ کر سکتا ہو تو کوئی دوسرا مسلمان اس کی جگہ ذبح کر سکتا ہے مگر اجازت ضروری ہے۔
(4)نبی کریم صلی اللہ علیہ وسلم نے ازواجِ مطہرات کی طرف سے بھی گائے کی قربانی فرمائی۔
(5)اجتماعی قربانی میں ایک گائے اور اونٹ میں سات افراد شریک ہو سکتے ہیں، کم از کم کوئی تعداد متعین نہیں، دو یا تین لوگ بھی برابر گوشت تقسیم کر کے قربانی کر سکتے ہیں۔
More tests in باب دوم: ایمانیات و عبادات
- عقیدہ توحید MCQs
MCQs · 24 questions · 20 min · 24 marks
- عقیدہ توحید مختصر سوالات
Short questions · 22 questions · 40 min · 49 marks
- عقیدہ توحید تفصیلی سوالات
Long questions · 4 questions · 20 min · 28 marks
- عقیدہ رسالت MCQs
MCQs · 21 questions · 20 min · 21 marks
- عقیدہ رسالت مختصر سوالات
Short questions · 18 questions · 35 min · 41 marks
- عقیدہ رسالت تفصیلی سوالات
Long questions · 3 questions · 15 min · 20 marks
- ملائکہ MCQs
MCQs · 20 questions · 20 min · 20 marks
- ملائکہ مختصر سوالات
Short questions · 14 questions · 30 min · 31 marks
- ملائکہ تفصیلی سوالات
Long questions · 3 questions · 15 min · 22 marks
- کتبِ سماویہ MCQs
MCQs · 19 questions · 20 min · 19 marks
- کتبِ سماویہ مختصر سوالات
Short questions · 13 questions · 30 min · 33 marks
- کتبِ سماویہ تفصیلی سوالات
Long questions · 3 questions · 15 min · 22 marks
- عقیدہ آخرت MCQs
MCQs · 24 questions · 20 min · 24 marks
- عقیدہ آخرت Short
Short questions · 17 questions · 30 min · 44 marks
- عقیدہ آخرت Long
Long questions · 3 questions · 15 min · 22 marks
- نماز MCQs
MCQs · 22 questions · 20 min · 22 marks
- نماز Short
Short questions · 16 questions · 30 min · 39 marks
- نماز Long
Long questions · 3 questions · 15 min · 24 marks
- روزہ MCQs
MCQs · 21 questions · 20 min · 21 marks
- روزہ Short
Short questions · 15 questions · 30 min · 35 marks
- روزہ Long
Long questions · 3 questions · 15 min · 24 marks
- زکوٰۃ و عشر MCQs
MCQs · 22 questions · 20 min · 22 marks
- زکوٰۃ و عشر Short
Short questions · 16 questions · 30 min · 40 marks
- زکوٰۃ و عشر Long
Long questions · 3 questions · 15 min · 24 marks
- حج اور قربانی MCQs
MCQs · 45 questions · 45 min · 45 marks
- حج اور قربانی مختصر سوالات
Short questions · 33 questions · 60 min · 66 marks
Practise with a free account
Save your scores, see which chapters need work, and keep a notebook of every question you got wrong.