کتبِ سماویہ تفصیلی سوالات

Long questions

3 questions · 15 min · 22 marks

Want to try first? Take the free Islamiyat test: Test 1: قرآن مجید، تعارف، حفاظت اور تدوین

Sample questions with answers

The first 3 of 3, each with a model answer. Try writing yours first.

  1. Question 1 · 8 marks

    کتبِ سماویہ (آسمانی کتابوں) پر جامع نوٹ لکھیں۔

    Show model answer

    تعارف: اللہ تعالیٰ نے انسانوں کی ہدایت کے لیے انبیائے کرام علیہم السلام کو دنیا میں مبعوث فرمایا۔ سب سے پہلے نبی حضرت آدم علیہ السلام اور سب سے آخری نبی حضرت محمد رسول اللہ صلی اللہ علیہ وسلم ہیں۔ تمام انبیاء نے لوگوں کو ایک اللہ کو ماننے، صرف اسی کی عبادت کرنے، اچھے کام کرنے اور برے کاموں سے باز رہنے کی دعوت دی۔ اللہ تعالیٰ نے ہدایت کے لیے بہت سے انبیاء پر آسمانی کتابیں اور صحیفے نازل فرمائے۔ صحیفے: چار مشہور کتابوں کے علاوہ جو چھوٹی چھوٹی کتابیں نازل ہوئیں انھیں صحیفے کہتے ہیں۔ قرآن مجید میں حضرت ابراہیم اور حضرت موسیٰ علیہما السلام کے صحیفوں کا خاص طور پر ذکر آیا ہے: اِنَّ هٰذَا لَفِي الصُّحُفِ الْاُوْلٰى صُحُفِ اِبْرٰهِيْمَ وَمُوْسٰى (الاعلیٰ: 18-19)۔ اسی طرح حضرت شیث اور حضرت ادریس علیہما السلام پر بھی صحیفے نازل ہوئے۔ حضرت ابراہیم علیہ السلام: خلیل اللہ اور ابوالانبیاء ہیں۔ تینوں آسمانی مذاہب یہودیت، مسیحیت اور اسلام میں آپ کو انتہائی قابل احترام سمجھا جاتا ہے۔ چار مشہور کتابیں:

    1)تورات: حضرت موسیٰ علیہ السلام پر نازل ہوئی۔

    2)زبور: حضرت داؤد علیہ السلام پر نازل ہوئی۔

    3)انجیل: حضرت عیسیٰ علیہ السلام پر نازل ہوئی۔

    4)قرآن مجید: حضرت محمد صلی اللہ علیہ وسلم پر نازل ہوا۔ مشترکہ تعلیمات: تمام آسمانی کتابوں میں عقیدہ توحید، عقیدہ رسالت اور عقیدہ آخرت موجود ہیں۔ نماز، روزہ اور زکوٰۃ جیسی عبادات بھی سابقہ کتابوں میں موجود رہیں، البتہ ان کے طریقۂ کار میں فرق رہا۔ تمام اعلیٰ اقدار اور اخلاق حسنہ کی تعلیم بھی موجود تھی۔ بعد میں لوگوں نے ان کتابوں میں تحریف کر دی۔ اہلِ کتاب اور مشرکین: اہلِ کتاب یہودی اور مسیحی ہیں، جب کہ جو مظاہرِ فطرت یا بتوں کی پوجا کرتے ہیں وہ مشرکین ہیں۔ قرآن مجید: آخری آسمانی کتاب ہے، اس میں تمام سابقہ کتابوں کی تعلیمات جمع ہیں، اس کی حفاظت کا ذمہ اللہ نے خود لیا ہے۔ ایمان بالکتب: مسلمان کے لیے تمام آسمانی کتابوں پر ایمان لانا اور ان کا احترام کرنا ضروری ہے، لیکن اب ہدایت کے لیے قرآن مجید ہی کافی ہے۔ ہمیں قرآن کی تلاوت کرنی، اسے سمجھنے کی کوشش کرنی، اس پر عمل کرنا اور اس کا پیغام دوسروں تک پہنچانا چاہیے۔

  2. Question 2 · 6 marks

    چار مشہور آسمانی کتابوں اور ان کے انبیاء کا تعارف لکھیں۔

    Show model answer

    1)تورات: حضرت موسیٰ علیہ السلام پر نازل ہوئی۔ نبی کریم صلی اللہ علیہ وسلم کے بعد قرآن مجید میں سب سے زیادہ ذکر آپ کا آیا ہے۔ آپ نے فرعون کے سامنے انتہائی جرأت سے حق کا پیغام پہنچایا اور بنی اسرائیل کو فرعون کی غلامی سے نجات دلا کر آزادی عطا کی۔

    2)زبور: حضرت داؤد علیہ السلام پر نازل ہوئی۔ آپ حضرت یعقوب علیہ السلام کی اولاد سے ہیں۔ اللہ نے آپ کو نبوت کے ساتھ بڑی بادشاہت اور وسیع سلطنت عطا فرمائی۔ آپ بنی اسرائیل کے پہلے شخص تھے جنھیں نبوت کے ساتھ حکومت بھی ملی۔

    3)انجیل: حضرت عیسیٰ علیہ السلام پر نازل ہوئی۔ آپ بنی اسرائیل میں بھیجے گئے آخری نبی تھے، آپ کی والدہ حضرت مریم بنت عمران ہیں، القاب: مسیح، عبداللہ، روح اللہ، کلمۃ اللہ؛ کنیت: ابن مریم۔

    4)قرآن مجید: حضرت محمد رسول اللہ صلی اللہ علیہ وسلم پر نازل ہوا، یہ آخری آسمانی کتاب ہے اور اس کے ذریعے دین اسلام کی تعلیمات مکمل کر دی گئیں۔

  3. Question 3 · 8 marks

    قرآن مجید کی اہمیت اور آسمانی کتابوں پر ایمان لانے کے تقاضے بیان کریں۔

    Show model answer

    قرآن مجید کی اہمیت: قرآن مجید اللہ تعالیٰ کی نازل کردہ آخری کتاب ہے۔ اس کے نازل ہونے کے بعد پچھلی تمام آسمانی کتابیں اور ان کے احکام منسوخ ہو گئے اور ان کتابوں کی تعلیمات کو قرآن مجید میں جمع کر دیا گیا۔ اللہ تعالیٰ نے اس کتاب کو قیامت تک آنے والے انسانوں کے لیے نازل فرمایا ہے اور اس کی حفاظت کا ذمہ خود لیا ہے۔ اس لیے انسانوں کی کامیابی اور نجات کا واحد راستہ قرآن مجید پر عمل اور نبی کریم صلی اللہ علیہ وسلم کی اطاعت ہے۔ ایمان بالکتب کے تقاضے:

    1)تمام آسمانی کتابوں پر ایمان لانا ضروری ہے، یعنی یہ کتابیں اللہ نے انبیاء پر نازل فرمائیں اور برحق تھیں، البتہ بعد میں لوگوں نے ان میں تحریف کر دی۔

    2)ان کتابوں کا احترام کرنا۔

    3)قرآن مجید پر ایمان لانا جو رسول اللہ صلی اللہ علیہ وسلم پر نازل ہوا۔

    4)قرآن کی تلاوت کرنا، اسے سمجھنے کی کوشش کرنا، اس پر عمل کرنا اور اس کے پیغام کو دوسروں تک پہنچانا۔

    5)اپنے دین پر مضبوطی سے عمل کرتے ہوئے ساری دنیا کے انسانوں کے ساتھ امن و سلامتی اور باہمی تعاون کی فضا قائم کرنا۔

    6)غیر مسلموں کے ساتھ اپنے دین پر قائم رہتے ہوئے اعتدال کے ساتھ تعلقات رکھنا، اسلام اس سے منع نہیں کرتا۔

More tests in باب دوم: ایمانیات و عبادات

Practise with a free account

Save your scores, see which chapters need work, and keep a notebook of every question you got wrong.

Create free account