غزوۂ حنین Long

Long questions

3 questions · 15 min · 20 marks

Want to try first? Take the free Islamiyat test: Test 1: قرآن مجید، تعارف، حفاظت اور تدوین

Sample questions with answers

The first 3 of 3, each with a model answer. Try writing yours first.

  1. Question 1 · 8 marks

    غزوۂ حنین پر تفصیلی روشنی ڈالیں۔

    Show model answer

    پس منظر: مکہ مکرمہ سے چالیس کلومیٹر کے فاصلے پر وادی حنین میں بنو ہوازن اور بنو ثقیف کے قبائل آباد تھے جنھیں اپنی طاقت پر بڑا گھمنڈ تھا۔ انھوں نے آس پاس کے قبائل کو مسلمانوں کی مخالفت پر اکسا کر ساتھ ملا لیا اور مکہ مکرمہ پر حملے کی منصوبہ بندی کی۔ روانگی: فتح مکہ کے بعد انیس دن قیام کر کے شوال 8 ہجری کو نبی کریم صلی اللہ علیہ وسلم بارہ ہزار کے لشکر کے ساتھ حنین روانہ ہوئے۔ لشکر کی تعداد دیکھ کر بعض مسلمانوں کے ذہن میں خیال آیا کہ آج کوئی طاقت ہمیں شکست نہیں دے سکتی، ان کا یوں اپنی ظاہری طاقت و کثرت پر اترانا اللہ تعالیٰ کو پسند نہ آیا۔ جنگ: دشمن مسلمانوں سے پہلے میدان میں پہنچ کر جنگی تدابیر اختیار کر چکے تھے۔ مسلمانوں کے میدان میں اترتے ہی کفار نے اچانک تیروں کی بارش کر دی۔ مسلمان اس شدید حملے سے بوکھلا گئے اور عارضی طور پر ان کے پاؤں اکھڑنے لگے۔ آپ کی ثابت قدمی: نبی کریم صلی اللہ علیہ وسلم بے مثال جرأت و بہادری کا مظاہرہ کرتے ہوئے میدان میں ڈٹے رہے۔ آپ خچر پر سوار تھے جس کی رکاب حضرت ابوسفیان اور لگام حضرت عباس نے پکڑ رکھی تھی۔ آپ خچر سے اتر کر یہ فرماتے ہوئے دشمن کی طرف چل پڑے: میں نبی ہوں اس میں کوئی جھوٹ نہیں، میں عبدالمطلب کی اولاد ہوں (صحیح بخاری: 4315)۔ آپ نے حضرت عباس سے فرمایا کہ مجاہدین کو پکاریں تو انھوں نے کہا بیعت رضوان والو! کہاں ہو؟ آواز سن کر مسلمان واپس مڑے اور جلد ہی دشمن کے پاؤں اکھڑ گئے۔ معجزات: آپ نے مٹھی بھر خاک کفار کی طرف پھینکی جو دشمن کے ہر شخص کی آنکھ میں چلی گئی، ان کی صفیں بکھر گئیں اور وہ بھاگ گئے۔ اللہ تعالیٰ نے فرشتوں کے ذریعے مدد فرمائی۔ حضرت ابوطلحہ انصاری نے تیس مشرکوں کو قتل کیا اور چار مسلمان شہید ہوئے۔ نتائج: مال غنیمت میں چھ ہزار قیدی، چوبیس ہزار اونٹ، چالیس ہزار سے زائد بکریاں اور چار ہزار اوقیہ چاندی ملی۔ آپ نے دو ہفتے سے زائد انتظار فرمایا کہ بنو ہوازن اسلام قبول کر لیں، پھر مال غنیمت تقسیم فرما دیا۔ متعدد قبائل اسلام میں داخل ہوئے اور اسلام دور دراز کے علاقوں تک پھیل گیا۔ سبق: کثرت پر بھروسا نہیں بلکہ اللہ پر توکل اور عجز و انکسار اپنانا چاہیے۔

  2. Question 2 · 6 marks

    غزوۂ حنین کے اسباب، واقعات اور نتائج بیان کریں۔

    Show model answer

    اسباب: بنو ہوازن اور بنو ثقیف کو اپنی طاقت پر گھمنڈ تھا، وہ مسلمانوں کی طاقت تسلیم کرنے پر راضی نہ تھے، فتح مکہ کے بعد انھوں نے اردگرد کے قبائل کو ساتھ ملا کر مکہ مکرمہ پر حملے کی منصوبہ بندی کی۔ واقعات: آپ بارہ ہزار کے لشکر کے ساتھ حنین گئے، کفار نے تیروں کی بارش سے اچانک حملہ کیا، مسلمانوں کے پاؤں اکھڑے مگر آپ ڈٹے رہے، حضرت عباس کی آواز پر مجاہدین واپس آئے، آپ نے مٹھی بھر خاک پھینکی، فرشتوں کی مدد آئی، دشمن بھاگ گیا۔ نتائج: بے شمار مال غنیمت ملا، متعدد قبائل دائرہ اسلام میں داخل ہوئے اور اسلام دور دراز علاقوں تک پھیل گیا، مسلمانوں کو سبق ملا کہ اپنی تعداد پر بھروسا نہ کریں بلکہ اللہ تعالیٰ پر توکل کریں۔

  3. Question 3 · 6 marks

    غزوۂ حنین میں نبی کریم صلی اللہ علیہ وسلم کی شجاعت، استقامت اور ثابت قدمی بیان کرتے ہوئے اس سے حاصل ہونے والے اسباق لکھیں۔

    Show model answer

    جب کفار نے اچانک تیروں کی بارش کی تو مسلمانوں کے پاؤں عارضی طور پر اکھڑ گئے، مگر نبی کریم صلی اللہ علیہ وسلم بے مثال جرأت و بہادری کا مظاہرہ کرتے ہوئے میدان میں ڈٹے رہے۔ آپ خچر سے اتر کر یہ کلمات ادا کرتے ہوئے دشمن کی طرف چل پڑے: میں نبی ہوں اس میں کوئی جھوٹ نہیں، میں عبدالمطلب کی اولاد ہوں۔ آپ کو اللہ تعالیٰ کی ذات پر بھروسا اور یقین کامل تھا کہ اللہ ہماری ضرور مدد فرمائے گا اور دین اسلام کو غلبہ حاصل ہوگا۔ اسباق: اپنی تعداد اور فراوانی پر بھروسا نہیں کرنا چاہیے، ہمیشہ اللہ تعالیٰ کی نصرت اور مدد پر یقین رکھنا چاہیے، ظاہری مال و اسباب کے بجائے اللہ پر کامل بھروسا اور اس سے نصرت و مدد کی دعا کرنی چاہیے، مشکل حالات میں ثابت قدم رہنا چاہیے اور عجز و انکسار کی روش اپنانی چاہیے۔

More tests in سیرتِ طیبہ

Practise with a free account

Save your scores, see which chapters need work, and keep a notebook of every question you got wrong.

Create free account